Командантот на КФОР, генерал-мајор Ангело Микеле Ристуќа, изјави дека ситуацијата на Косово е мирна, но сепак „многу нестабилна“, како и дека тензиите меѓу двете страни се уште се високи поради политичките разлики и дека единственото решение за Таквата ситуација е политичка, а не воена, пренесува Гласот на Америка.„Ситуацијата е мирна по настаните од 29 мај. Сепак, на некој начин се уште е многу нестабилна. Забележуваме тензии поради неколку нерешени прашања“, изјави Ристуќа за новинарите во Брисел.
Според него, најзагрижувачка е недовербата меѓу двете партии.
„Ако требаше да поставиме дијагноза за тоа што се случи, би рекол дека најзагрижувачка е недовербата – недовербата меѓу партиите. Тоа значи дека нема воено решение. Единственото решение е политичко“, рече командантот на КФОР.
.
