Познатата пејачка Лепа Брена откри необични и изненадувачки детали од својот приватен живот, кои предизвикаа големо внимание во јавноста. Меѓу нив е и приказната за нејзината колекција на луксузни бунди од крзно.
Легендарната музичка ѕвезда, која со децении успешно ја гради својата кариера, признала дека со години поседувала меѓу петнаесет и дваесет бунди, изработени од најквалитетно крзно и специјално кроени за неа. За да ги заштити од молци и оштетување, таа ги чувала на несекојдневен начин – спакувани во памучни навлаки и складирани во фрижидер.
Сепак, целата нејзина колекција била сериозно оштетена по една забава покрај базен, организирана од нејзиниот син Виктор Живојиновиќ. Кога Брена подоцна ги проверила бундите, била целосно стаписана: поголемиот дел од нив биле искинати и со бројни дупки, како да биле засекувани со остар предмет, а една бунда целосно исчезнала.
Поврзани објави
Според нејзиното објаснување, гостите на забавата, чувствувајќи студ, почнале да ги облекуваат бундите, што довело до нивно значително оштетување.
Кога го отворив фрижидерот, доживеав вистински шок. Сите бунди беа уништени – со дупки и искинати, како да поминал жилет низ нив. Петнаесет бунди беа целосно неупотребливи“, раскажа Брена, додавајќи дека една од нив најверојатно ја зел некој од гостите и никогаш не ја вратил.
Ова признание дојде во рамките на нејзините искрени јавни изјави, во кои таа често зборува за личните и семејни моменти од својот живот, вклучувајќи и за долгогодишната врска со сопругот, поранешниот тенисер Слободан Боба Живојиновиќ.
