И утринава дојави за бомби во основни училишта

Основното училиште „Александар Македонски“ утрово има дојава за бомба, а иста закана е примена и во „Лазо Ангеловски“ на територија на Општина Аеродром. По многуте дојави за поставени бомби во средни училишта во Скопје, утрово, такви дојави почнаа да пристигнуваат и во основни училиште. Периодов, повеќе основни училишта организираа вежби за евакуација од пожар и земјотрес, во соработка со Црвениот крст и противпожарната служба. Учениците и вработените се истреирани, но да се надеваме дека оваа вистинска закана нема да предизвика паника кај сите нив. Полицијата е на терен, се пребаруваат просториите, а подоцна ќе излезат со официјално соопштение.