Ирански хакери тврдат дека по нападот ги имаат сите податоците собрани за време на пописот во Албанија. Но, ова беше отфрлно од ИНСТАТ, во реакциите што го направи денеска. ИНСТАТ наведува дека пописните податоци не се засегнати, но додаваат дека објавувањето на статистиката ќе се одложи.
„Институтот за статистика (ИНСТАТ) ја информира јавноста дека поради сајбер напад што зафати некои од неговите системи на 31 јануари 2024 година, ќе го одложи објавувањето на официјалната статистика до дополнително известување. Сајбер нападот кој имаше за цел да ги оштети податоците на ИНСТАТ предизвика прекин на интернет услугите на официјалната веб-страница и електронската пошта. INSTAT ја уверува јавноста дека податоците од Пописот од 2023 година не се предмет на овој напад. Техничкиот тим на INSTAT веднаш ги активираше протоколите за итни случаи за да ги заштити податоците и да спречи понатамошно оштетување.
ИНСТАТ ќе продолжи со својата статистичка активност и ќе користи алтернативни средства за комуникација како што се електронската адреса instat.albania@gmail.com и официјалните канали на социјалните мрежи Инстаграм и Фејсбук“, соопштуваат од ИНСТАТ.
Иранската хакерска група „Татковинска правда“ во претходна реакција наведе дека ги имаат податоците од пописот на населението и дека според нив целата статистика е против граѓаните.
„Сега имаме целосен пристап до над 100 терабајти од вашите податоци за пописот. Податоците исто така се копираат и отстрануваат од серверите. Ќе ја вратиме правдата во нашата татковина. Сите статистики се против вас!“, се вели во соопштението на „Татковина правда“.
Post Views:
84
