Будењето со влажен перница не е невообичаено и најчесто не е причина за грижа. Сепак, ако лигавењето се појави ненадејно или е проследено со други симптоми, може да укажува на здравствен проблем.
Лигавењето за време на спиењето е честа појава. Додека спиеме, голтаме поретко, па плунката може да истече од устата, особено ако спиеме со отворена уста.
Кои се најчестите причини?
Една од главните причини е дишењето преку устата, најчесто поради затнат нос, настинка, алергии или искривена носна преграда. Лигавењето е почесто и кај луѓето што спијат на страна или на стомак, бидејќи плунката полесно истекува.
Понекогаш причината може да биде и апнеја при спиење, нарушување при кое дишењето постојано се прекинува во текот на ноќта. Рефлуксот, проблемите во усната шуплина и одредени лекови исто така можат да влијаат врз лачењето или голтањето на плунката.
Кај некои луѓе, особено ако лигавењето се појави ненадејно, причината може да биде поврзана со невролошки состојби што го отежнуваат голтањето.
Поврзани објави
Кога треба да посетите лекар?
Повременото лигавење обично не е опасно. Сепак, побарајте лекарски совет ако станува често или обилно, ако имате тешкотии со голтањето, се будите со чувство на задушување или гласно ‘рчите и сте поспани преку ден.
Ако ненадејното лигавење е придружено со искривување на лицето, слабост на едната страна од телото или неразбирлив говор, веднаш повикајте итна медицинска помош.
Како да го намалите?
Обидете се да спиете во положба во која полесно дишете и решете го проблемот со затнатиот нос доколку постои. Ако се сомневате дека причината е лек што го земате, разговарајте со лекар и не ја прекинувајте терапијата самостојно. Ако лигавењето е нова појава, се влошува или е придружено со други симптоми, важно е да ја откриете причината.
pexels
