Здравствен дом во Вевчани со нов имунолошки апарат

Во лабораторијата при државната здравствена установа Здравствен дом Вевчани пристигна нов имунолошки апарат од најсовремена генерација.

Според известувањето од ЈЗУ Здравствен дом Вевчани, апаратот значително ќе го подобри квалитетот на лабораториските услуги кои се достапни за пациентите.

“Овој современ апарат овозможува брза, прецизна и доверлива анализа на имунолошки параметри, што е од клучно значење за навремено откривање и следење на разни болести,” стои во соопштението.

Како што е наведено, имплементацијата на овој апарат е дел од поопсежната стратегија за модернизирање на медицинската опрема и континуирано подобрување на услугите во ЈЗУ Здравствен дом Вевчани.