Ерл Спенсер во својата книга опишува разговор со тогашниот принц Чарлс по смртта на Дијана и тврди дека неговиот тон го шокирал.
Ерл Спенсер, братот на покојната принцеза Дијана, изнесува низа тврдења за кралот Чарлс во своите мемоари „Лебедова песна: Дијана, мојата сестра“, кои треба да бидат објавени следната недела. Во книгата тој се навраќа на периодот по трагичната смрт на Дијана во 1997 година и на разговорот што го имал со тогашниот принц.
Според Спенсер, гласот на Чарлс во телефонскиот разговор звучел „возбудено“, па дури и „како глас на добитник на лотарија“. Разговорот, како што опишува во мемоарите, се однесувал и на плановите за погребната поворка и на прашањето дали синовите на Дијана, Вилијам и Хари, тогаш на возраст од 15 и 12 години, треба да учествуваат.
Братот на Дијана тврди дека Чарлс во еден момент бил бесен, а потоа кажал зборови кои длабоко го погодиле. Во претходно објавен извадок од книгата, Спенсер наведува дека тогашниот принц му рекол:
Доволно брзо ќе ја заборавиме“.
Тој овие зборови ги толкува како показател за наводниот однос на Чарлс кон неговата поранешна сопруга и кон огромното внимание од јавноста по нејзината смрт.
Дијана и Чарлс се разведоа во август 1996 година, една година пред нејзината смрт во сообраќајна несреќа во Париз. Тврдењата од мемоарите предизвикаа реакција од Бакингемската палата, која ги оспори наводите изнесени од Спенсер.
Screenshot Википедија
