Сеопфатна проверка и темелна анализа на избраните и назначените функционери, но и на овластените инспектори, цариници, полицајци и сите професии од суштинско значење, изложени на влијание и корупција, бара претседателката на Либерално-демократската партија (ЛДП) и пратеничка во македонското Собрание, Моника Зајкова.
Зајкова инсистира на спроведување на ветинг поради зголемената потреба за транспарентност и одговорност во јавниот сектор. Таа истакна дека процесот треба да биде темелен и да ги опфати сите релевантни аспекти од професионалниот и личниот живот на кандидатите.
“Целосен ветинг и детална проверка на избраните и именуваните функционери, но и на овластените инспектори, цариници, полицајци и сите критични професии, подложни на влијание и корупција,” изјави Зајкова.
Извор: МИА
