Table of Contents
За Јапонките миењето на косата претставува вистински ритуал за нега, но и момент за опуштање
Јапонките имаат совршена коса и кожа и дефинитивно ги знаат сите правила на добрата нега. Затоа, треба да учиме од нив и да ги усвоиме сите нивни совети.
Еве како тие ја мијат косата за да им биде толку блескава и густа…
Миење со шампон на јапонски начин: Сè започнува од темето
Многу јапонски фризери користат најмалку две силиконски четки за масажа, по една од секоја страна на главата. Со нив прават долга масажа која:
- длабински го чисти темето
- ја стимулира циркулацијата на крвта
- ослободува од напнатост
Најдобриот начин на масажа на главата е да се почне од тилот и да се оди кон врвот, фокусирајќи се на темето, каде што има најмногу нервни завршетоци.
Кога оваа техника се комбинира со шампон и две четки за масажа, ефектот е многу силен: косата подобро се мие, се стимулира нејзиниот раст и инстантно се појавува чувство на леснотија на главата.
Поврзани објави
Дерматолозите честопати го споредуваат темето со земјиште на кое расте цвеќе. Темето за косата е исто што и земјата за цвеќето. Колку е поздраво толку поголема е веројатноста дека косата ќе биде здрава.
Масло пред шампон – уште еден клучен чекор
Маслото се масира во темето за да:
- ги урамнотежи природните масла
- ги смири иритациите
- помогне темето да остане подолго чисто
Маслото исто така се користи и по миење, за сјај и заштита. Гејшите, на пример, традиционално користеле масло од камелија за да ѝ дадат на косата сјај и мекост додека ја чешлаат.
Дури и сушењето има свои правила
Косата нежно ја сушат со крпа, без силно триење и никогаш не ја чешлаат додека сè уште е мокра, бидејќи така полесно се крши. Јапонските фризери се обидуваат да ја минимизираат употребата на фенови, така што апсорбираат што повеќе од водата со крпа.
ФОТО: Freepik
