Table of Contents
Новата мода не познава забрани – ова се правилата што никој веќе не ги почитува
Некогаш постоеја строги модни правила до кои се придржуваа дамите: чантата мора да се согласува со чевлите, црната и кафената не одат заедно, а светките се исклучиво за навечер. Денес, тие правила не само што не важат туку се и комплетно заменети со нови принципи кои ги слават индивидуалноста, експериментирањето и личниот печат. Ако сè уште несвесно ги сладите овие застарени упатства, време е да ги оставите зад себе.
Чантата и обувките мора да се во иста боја
Некогаш симбол за елеганција, а денес знак дека сте останале заглавени во 2005. Наместо да се занимавате со усогласување нијанси, играјте си со контрасти: црни лакирани мокасини и торба од платно? Да. Беж сандали и торба во интензивна сина? Уште подобро. Клучот е во тоа да комбинирате различни текстури.
Сина и црна – „забранета“ комбинација
Денешната мода обожава да руши митови како овој. Темносин блејзер со црни панталони изгледа модерно, префинето и софистицирано. Оваа комбинација особено добро оди со додаток на златна или бела.
Светкавците се само за ноќно излегување
Денес се носат и преку ден, под услов да се усогласени со полежерни парчиња. На пример: светкав топ со широки панталони од лен и рамни сандали. Или светкаво здолниште со едноставна бела маица и патики. Трикот е во балансот.
Поврзани објави
Сребрена и златна бижутерија не одат заедно
Слободно комбинирајте сребрени обетки со златен прстен. Правилното комбинирање ладни и топли метали изгледа промислено, а не хаотично.
Фармерките се неформално парче облека
Денес фармерките може да бидат дел и од деловен стајлинг. Добар пар фармерки со сатенска блуза и обувки на потпетица е новата омилена професионална комбинација. Дури и за вечерно излегување, темните рамни фармерки, сакото и штосната чанта се сосема доволни. Сè зависи од стилизирањето и самодовербата.
Бело не се носи во зима
Денес светлите тонови во постудените месец се знак на моден стил. Белиот волнен капут, беж џемперот или светлосивата сукња ги разбиваат мрачните зимски денови и го разведруваат сивилото на улиците.
Модните правила денес повеќе служат како насока, а не како ограничување. Стилот важи за алатка за изразување, а не за систем на казни и забрани. Наместо да размислувате што смее и што не смее, подобро запрашајте се: како сакам да се чувствувам во оваа комбинација? Ако одговорот ви мами насмевка, веќе сте го облекле вистинското нешто.
ФОТО: Пинтерест
