Додека вештачката интелигенција го менува пазарот на трудот, Европа се соочува со спротивен проблем – недостиг на работници.
Во периодот од април 2025 до март 2026 година биле објавени над 10 милиони слободни работни места, а најголема побарувачка има за технички и практични професии.
Меѓу најбараните се:
технички работници – над 731.000 позиции
административен кадар – околу 630.000
работници во металната и машинската индустрија – речиси 597.000
оператори на машини – над 522.000
возачи и оператори на возила – повеќе од 519.000
ИКТ секторот исто така има голема побарувачка, со околу 375.000 слободни места, но бројките покажуваат дека Европа не бара само програмери и експерти за вештачка интелигенција.
Особено голем недостиг има и во здравството, индустријата, транспортот, производството, одржувањето и образованието.
Германија и Холандија се меѓу земјите со најмногу огласени работни места. Само во Германија имало повеќе од 2,4 милиони позиции, додека во Холандија бројката достигнала околу 2,83 милиони.
Причините за недостигот се поврзуваат со стареењето на населението, иселувањето и недоволниот број квалификувани работници.
Иако автоматизацијата ќе промени голем број професии, податоците за 2026 година покажуваат дека Европа сè уште има огромна потреба од луѓе со конкретни знаења и практични вештини.
Во ерата на вештачката интелигенција, човекот сè уште останува најбараниот работник.
