„Добри луѓе, обединете се против нелуѓето!“ – Убавина и здравје

Ја поддржа нејзината иницијативаПоп-пејачката Јелена Карлеуша последниве денови на својот Инстаграм води своевидна кампања во која се обидува да го сврти вниманието на јавноста кон убивањето на дивите животни во Србија.Во врска со ова, на веб-страницата Peticije.online таа покрена иницијатива за забрана на ловот.Дивите животни во Србија се пред истребување! Елен, дива свиња, мечки, лисици, зајаци, фазани… Ова се само дел од видовите кои повеќе нема да постојат до 2030 година поради намерно убивање од страна на нелуѓе кои себеси се нарекуваат „ловци“, „љубители на животни“ и „ љубители на природата”. Ловот не е спорт, како што сакаат да нагласат убијците на животни, бидејќи спортот е фер-плеј. Нема ништо фер во убивањето. Напротив! – напиша ЈК. Поврзани објавиСтанува збор за подмолно и кукавичко убивање на прегладнети и уплашени животни низ Србија од страна на 85.000 регистрирани убијци на животни. 85.000 легално вооружени убијци на животни ловат и убиваат, додека Србија молчи. Ловот не е хоби, туку убиствен нагон кај психопатите и социопатите. На таквите не им е место во природата со оружје, туку зад катанец. Затоа, обединете се и заштитете ги дивите животни кои се природно богатство и гордост. Престанете со ловот, престанете со масакрот, престанете со убивање животни! Престанете да убивате за забава! Стоп за истребувањето на животните! Добри луѓе, обединете се против нелуѓето – стои пред нејзиниот потпис како автор на петицијата.Петицијата на Јелена Карлеуша досега ја потпишале 12.937 луѓе, а поддршка преку Инстаграм испрати младата водителка Сашка Веселин, сопруга на тенисерот Ѓорѓе Ѓоковиќ, најмладиот брат на Новак.