Бројот на евидентирани случаи на ебола во Демократска Република Конго се искачи на 10.060, соопштија денеска здравствените власти, во епидемија што водечката здравствена агенција во Африка ја опиша како најбрзо растечка епидемија на ебола во историјата.
Здравствените власти во Конго соопштија дека 4.887 лица починале од болеста откако епидемијата за првпат беше пријавена во средината на мај.
Случаи на високо заразната варијанта „Бундибуџио“ на вирусот сега се потврдени и во Кенија и Нигерија. Во Кенија досега се потврдени девет инфекции и два смртни случаи откако пациент отпатувал од Конго преку Уганда до главниот град Најроби.
Нигерија го потврди својот прв случај на 20 октомври. Швајцарската државјанка влегла во земјата од Уганда. Сè уште се во тек истраги за да се утврди каде точно се заразила со ебола.
Уганда регистрира вкупно 20 потврдени случаи на ебола за време на актуелната епидемија, сите поврзани со пациент од Конго. Двајца пациенти починаа. Уганда прогласи крај на епидемијата на ебола на крајот на август, откако 42 дена не беа регистрирани нови случаи.
Вирусот се пренесува преку физички контакт и контакт со телесни течности, и предизвикува високо заразна треска придружена со дијареја и крвавење.
Post Views: 70
