Волстрит џурнал: Трамп размислува за рекатегоризација на марихуаната во полесна дрога

Американскиот претседател, Доналд Трамп, ја проценува можноста за редефинирање на марихуаната во понеризична класа на супстанци, објави весникот „Волстрит џурнал“, базирајќи се на информации од извори.

Според весникот, Трамп им соопштил на луѓето присутни на настан за собирање средства во неговиот голф клуб во Њу Џерси, каде што вечерата чинела милион долари по човек, дека е „заинтересиран“ за оваа трансформација.

Меѓу поканетите била и Ким Риверс, главен оперативен директор на „Трулив“, една од водечките американски компании за канабис, која го охрабрила Трамп да ја спроведе промената и да овозможи повеќе студии за нејзината медицинска примена, пишува весникот.