Тешка сообраќајна несреќа со трагични последици се случи во петокот вечерта на автопатот Канецу во Јапонија, каде во масовен верижен судир учествуваа над 50 возила, меѓу кои автомобили и камиони.
Според првичните информации, најмалку две лица го загубија животот, додека 26 лица се повредени, од кои пет се во сериозна здравствена состојба.
Снимки и видеа споделени на социјалните мрежи покажуваат голем пожар што избувнал по судирот, како и густ чад кој се издигал над автопатот. Пожарот бил предизвик за дополнителна паника и отежната интервенција на службите.
Како што пренесуваат јапонските медиуми, во моментот на несреќата во регионот имало обилни снежни врнежи, што значително ја намалило видливоста и ги влошило условите за возење.
Поради сериозноста на инцидентот, автопатот бил целосно затворен во двата правци неколку часа, со цел да им се овозможи на итните служби да ги извлечат повредените и да го стават пожарот под контрола. Противпожарните екипи успеале да го локализираат огнот доцна во вечерните часови.
Надлежните институции започнаа истрага за утврдување на точните причини за несреќата и последователниот пожар.
🚨🇯🇵 MASSIVE PILEUP ON JAPAN EXPRESSWAY: OVER 50 VEHICLES CRASH, 1 DEAD, 26 INJURED
Chaos hit Japan’s Kanetsu Expressway hard in Minakami, Gunma Prefecture.
More than 50 cars and trucks smashed into each other in a fiery wreck that killed at least one person and hurt 26 others.… pic.twitter.com/TIVdsP1bAi
— Mario Nawfal (@MarioNawfal) December 26, 2025
