Table of Contents
Венус Вилијамс и Анред Прети го изговориле судбоносното „да“ на прекрасна церемонија
Познатата тенисерка Венус Вилијамс минатиот викенд го изговорила судбоносното „да“ на Флорида, каде што се омажила за Анред Прети. Церемонијата била елегантна и интимна, а нејзината сестра, легендарната тенисерка Серена Вилијамс, по тој повод одржала емотивен говор. Меѓутоа, наишла на негативни коментари поради изборот на стајлинг.
Невестата облекла дури четири венчаници
Венус на фотографиите од венчавката заблескала во четири различни бели фустани, кои ги менувала во текот на вечерта. Секој од нив ги истакнувал нејзината елеганција и префинет стил, додека белата боја доминирала на целиот настан.
Серена Вилијамс во центарот на вниманието
Вниманието на јавноста ѝ го привлекол фактот што Серена Вилијамс исто така носела бел фустан, што за многумина е контроверзно. Имено, традиционално се смета дека невестата би требало да биде единствената жена во бела, за да се нагласи почитта кон нејзиниот посебен ден.
Сепак, ова правило не е универзално – на одредени венчавки, белата облека дури и претставува дрескод, додека постојат невести кои немаат ништо против тоа гостите да носат бела боја – симбол на елеганција и софистицираност.
Иако на венчавката имало и други гости облечени во бело, стајлингот на Серена бил највпечатлив. Нејзината тоалета дури и била инспирирана од класичните венчаници, што дополнително ги подгреало коментарите и интересот на јавноста.
Поврзани објави
Елегантен младоженец и романтична церемонија
Младоженецот за оваа пригода одбрал костим во црно-бела комбинација, совршено усогласен со целата естетика на венчавката. Церемонијата се случила кратко по веста за свршувачката и поминала во романтична и опуштена атмосфера.
Италија оставена за подоцна
Иако двојката првично планирала да се венча на 18 септември годинава во Италија, плановите се промениле поради административни препреки поврзани со неговото американско државјанство. Поради тоа, одлучиле да организираат друга венчавка на Флорида, со која Венус е фамилијарно поврзана.
Интимна прослава со помош на блиските луѓе
За организацијата на прославата била задолжена Џенифер Забински, која ја организирала и венчавката на Серена Вилијамс и Алексис Оханијан во 2017 година. Серена ѝ ја отстапила на сестра ѝ и својата луксузна јахта, каде што се одржала една од прославите.
Венус и Анред славеле во круг од 10 до 12 најблиски пријатели и членови на семејството, додека Серена била задолжена и за храната. По граѓанската венчавка, следела голема забава.
Инаку, двојката се свршила на 31 јануари 2025 година, а Венус ја споделила таа вест со јавноста дури на почетокот од месецов.
ФОТО: ИНСТАГРАМ
