Ванеса Редгрејв, легендарна британска актерка позната по улогите во Кориолан и Писма до Јулија, не е запаметена само со својата блескава кариера туку и со бурниот приватен живот, исполнет со љубовни драми, скандали и тајни, кои и денес предизвикуваат неверување.
Родена во славното актерско семејство Редгрејв, Ванеса пораснала во дом каде што таткото, актерот Мајкл Редгрејв, бил познат по својата бисексуалност и врските со мажи и жени. Бракот на родителите ѝ бил повеќе форма отколку љубовен завет – секој живеел свој живот, со сопствени љубовници.
Кога Ванеса се омажила со продуцентот и режисер Тони Ричардсон, многумина се сомневале дека нивниот брак ќе трае долго – и тие сомнежи наскоро се покажале оправдани.
Иако љубовната приказна меѓу Ванеса и Тони започнала страсно и со енергични афери, зад завесите постоеле тајни што постепено ја разнишувале нивната заедница. Ричардсон, исто како и таткото на Ванеса, бил бисексуалец и тоа никогаш не било тајна во круговите на лондонската и холивудската елита.
Најшокантниот момент, според сведоштвото на режисерот Брајан Дезмонд Хурст, се случил кога Ванеса, враќајќи се порано од патување, ненадејно ги затекнала сопругот и таткото – заедно во кревет. Шокот бил толку голем, што останал запаметен како еден од најскандалозните моменти во историјата на гламурозниот свет.
Поврзани објави
Се тврди дека таткото ладнокрвно ја утешил со зборовите:
Ќерко, ти го сакаш, јас го сакам – не гледам зошто би имала проблем.“
Иако официјално разводот бил припишан на аферата на Тони со француската актерка Жана Моро, скандалозната приказна за „забранетиот триаголник“ засекогаш останала дел од биографијата на Ванеса.
Сепак, по разводот, актерката и режисерот останале во коректни односи – дури и работеле заедно. Нивната блискост продолжила сè до смртта на Ричардсон во 1991 година.
Ванеса Редгрејв и денес важи за една од најголемите дами на британскиот театар и филм, но приватниот скандал со сопругот и таткото останува сенка што го интригира светот со децении.
