Невидена трагедија го снајде градот Нови Сад на 1 ноември, кога се урна дел од настрешницата на железничката станица, одземајќи 16 животи, што длабоко ја потресе цела Србија, но и регионот.
Многу јавни личности изразија сочувство до семејствата на жртвите и откажаа настапи и концерти поради трагедијата.
Пејачката Лепа Брена сподели зборови со поддршка за семејствата на жртвите и ја изрази болката што ја чувствува.
„Длабоко сум потресена од трагедијата што го снајде Нови Сад. Чувствувам огромна тага и сочувствувам со семејствата кои ги загубија своите најмили. Со целото мое срце верувам дека само преку солидарност и грижа еден за друг можеме да ја надминеме оваа болка. Моите мисли се со сите што тагуваат“, напиша Лепа Брена во објава на социјалната мрежа Инстаграм.
Фото: Инстаграм Принтскрин https://www.instagram.com/lepabrenaa/?hl=en
