Билјана Ивановска кандидат за градоначалничка на Општина Центар

Платформата „Независни заедно“ денес соопшти дека екс-претседателката на Државната комисија за спречување на корупцијата, Билјана Ивановска, ќе влезе во трката како независен кандидат за прв човек на Општина Центар.

Ивановска ужива поддршка од повеќебројни граѓански движења, меѓу кои се „Шанса за Центар“, „Зелените за Гази Баба“ и граѓанското движење „398“.

Свеченото објавување на кандидатурата на Ивановска ќе се случи утре, во 9:30 часот, пред фонтаната „Лотус“ на влезот во Градскиот парк. Како што изјавија од тимот на Ивановска: “Очекуваме голем број поддржувачи и граѓани кои сакаат промени во општината”.