Здравствениот проблем на Лепа Брена беше откриен навреме
Лепа Брена води многу дисциплиниран живот, редовно оди на лекарски прегледи, но многумина не знаат дека тромбозата не беше единствениот предизвик и дека уште еден здравствен проблем на популарната пејачка беше откриен навреме.
Здравствениот проблем на Лепа Брена беше откриен навреме, а ова е поука за сите жени
За ова првпат зборувам. Во 2010 година, имав сериозна операција на циста на јајник. Мојот доктор, Саша Љубиќ, ми рече да го направам тој злогласен BRCA тест, каде што се покажа дека имам мутиран ген и големи шанси и можности да добијам рак на дојка. Тумор-маркерот ми беше многу покачен и итно отидов на операција на циста на јајник. Секако, молчев за сето тоа, но морам да кажам дека тоа беше голем шок за мене – изјави Брена своевремено за Пулс.
Блиски пријателки на Брена со кои разговаравме на оваа тема велат дека пејачката имала најцрни мисли, но сите му се благодарни на Бога што здравствениот проблем ѝ бил откриен навреме. За да биде уште потешко, истата година Брена го изгуби саканиот татко Абид, па беше уште поранлива.
Поврзани објави
Сето ова го кажувам сега затоа што со оваа моја порака сакам да ја подигнам свеста кај жените дека треба да го направат тестот, бидејќи веднаш знаете дали постои можност да добиете карцином или не. На тој начин можете да си ги спасите животот и здравјето, бидејќи многу жени добиваат рак на грлото на матката, јајниците или дојките, а воопшто не знаат од каде потекнува – изјави тогаш Брена.
Иако веднаш почна да живее според нови правила, стресот што го доживеала бил огромен, толку голем што оваа тема ја избегнувала и меѓу членовите на семејството:
Во исто време Анџелина Џоли направи мастектомија на дојките затоа што нејзиниот резултат од тој тест беше позитивен. Отидов кај професорот Светозар Дамјановиќ, кој ми објасни што и како може да се случи.
Ако ми верувате, два дена не можев да го повторам мојот телефонски број, толку бев во шок. Бев многу исплашена, не знаев каде сум. Имав таков страв дека нема да можам да ги изведам децата на пат, дека сè може да се случи.
Ужасни слики ми минуваа низ глава. Сепак, подобро е навреме да се прифатат некои тешки факти и да се знае како да се бориш со нив, отколку да бегаш од проблемот – призна тогаш Брена, која не дозволи депресијата да ја совлада.
Здравствениот проблем на Лепа Брена беше откриен навреме, таа сега е здрава жена, која внимава на исхраната, јаде малку дури и за празниците како што беше Велигден, одмора, избегнува стрес, а секој ден вежба и медитира.
Фото: Инстаграм
