Foto: NASA/Bill Ingalls
Шефот на албанската дипломатија Ферит Хоџа во Вашингтон потпиша договор за приклучување на Албанија на програмата за месечината на НАСА, „Артемис“.
Церемонијата на потпишување се одржа денеска во седиштето на НАСА во Вашингтон, во присуство на заменик-администраторот на НАСА, Мет Андерсон, и заменик-помошникот државен секретар на САД за вселена и животна средина, Конор Томлинсон.
За Албанија, овој момент е повеќе од потпис. Тоа е израз на верба во науката, иновациите и меѓународната соработка, посочи Хоџа, нагласувајќи дека договорот создава нови можности за помладата генерација со тоа што ја поврзува Албанија поблиску со технологиите, знаењето и партнерствата за кои верува дека ќе ја обликуваат иднината на човештвото.
Тој, исто така, истакна дека приклучувањето на Албанија кон програмата „Артемис“ додава нова и важна димензија на стратешкото партнерство меѓу Тирана и Вашингтон.
Post Views: 73
