Иако оцетот и солта го забавуваат расипувањето, киселите краставички сепак имаат рок на траење. Неколку промени можат да бидат јасен знак дека повеќе не се безбедни за јадење.
Киселите краставички се чест додаток во сендвичи, бургери и различни јадења, но не значи дека поради високото количество киселина и сол не можат да се расипат. Иако се поотпорни од свежиот зеленчук, имаат ограничен рок на траење и треба да се внимава на промените што се појавуваат.
Еден од првите знаци е промената на течноста во теглата. Расолот кај купечките кисели краставички најчесто е бистар, па ако стане заматен или на површината се појави пена, производот треба да се фрли. Појавата на мувла, без разлика дали е бела, зелена или црна, е уште еден јасен знак дека краставичките не се за јадење.
Поврзани објави
Проблем може да се забележи и по мирисот и текстурата. Ако имаат непријатен, остар или мирис на гнило, или ако станале премногу меки, кашести или лигави, не треба да се консумираат. Внимание треба да се обрне и на надуен капак на теглата, што може да укажува на создавање гасови поради развој на бактерии.
Откако ќе се отворат, киселите краставички треба да се чуваат во фрижидер и најдобро е да се искористат во рок од две до три недели. За постабилна температура, се препорачува да стојат на главните полици во фрижидерот, а не во вратата.
pexels – kiseli krastavicki – zimnica
