Администрацијата на американскиот претседател Доналд Трамп го суспендираше одвојувањето на 18 милијарди долари, кои беа предвидени за конструирање на железнички тунел под реката Хадсон и продолжување на метро линијата „Секонд Авени“ во Њујорк. Оваа одлука е донесена заради прекин во финансирањето на федералните институции.
Соединетите Американски Држави западнаа во период на несигурност, откако Трамп и Конгресот не успеаја да се договорат за продолжување на финансирањето на владините програми пред истекот на крајниот рок денес.
Се предвидува дека околу 750.000 федерални службеници ќе бидат привремено суспендирани од работа, додека одреден број од нив можеби ќе бидат трајно разрешени.
Фото: ЕПА.
Извор: МИА
