Српската пејачка Светлана Цеца Ражнатовиќ поседува луксузна вила на Кипар веднаш до морето, каде често ги полни батериите меѓу деловните обврски. Пејачката летово отиде со својата сестра Лидија, кумите и пријателите.
На горниот кат од вилата на пејачката ќе има помал базен, две џакузи и соба за масажа.
Куќата од 400 метри квадратни се наоѓа веднаш до морскиот брег во Аја Напа, а во дворот има огромен базен, во кој уживаат членовите на семејството Ражнатовиќ и нивните пријатели.
Сакав нешто егзотично, убаво и да бидам токму на брегот. Мојот пријател Фотос ми донесе фотографии од оваа моја вила и знаев дека тоа е тоа. Веднаш подигнав заем. Да, куќата ја купив на кредит, кој нормално месечно го отплаќам – изјавила Цеца во една прилика во емисијата „Амиџи шоу“.
Поврзани објави
Пејачката со години оди во оваа островска земја, многу и се допаднала тамошната средина и се дружела, а таму се школувале и нејзините деца.
Имам соседи од Кипар, Иран и Русија со кои имам одлични односи. Тоа се остварени луѓе на кои мојата слава во Србија не им значи ништо. Летото во Аја Напа е прекрасно и сакам да одам таму кога ќе залади во Србија. Мирот што го имам во втората куќа ми е драгоцен – изјави претходно Цеца.
Фото: Принтскрин Инстаграм
