Денеска нѐ очекува сончево и топло време со мала до умерена локална облачност. Ќе дува слаб ветер претежно од северен правец. Минималните утрински температури ќе се движат од 12 во Берово до 21 во Гевгелија, а максималните дневни од 28 во Маврово и 38 Целзиусови степени во Гевгелија.
Во Скопје ќе биде сончево и топло со умерен северен ветер. Температурата ќе се движи од 19 до 36 степени. За време на викендот повторно во земјата ќе има високи температури. Сончево и многу топло со мала до умерена локална облачност ќе имаме и во сабота и во недела во претпладневните часови. Веќе во недела во попладневните часови ќе има услови за локална појава на пороен дожд и грмежи.
Минималната температурата ќе се движи од 12 до 21 степени, до максимални 32 до 39 степени во сабота. Во недела минималната температурата ќе се движи од 14 до 23 степени, до максимални 31 до 38 степени.
