Почетна Македонија Сензација на дебитантите на ЕП: Грузија ја победи Португалија и се пласираше во осминафиналето

Сензација на дебитантите на ЕП: Грузија ја победи Португалија и се пласираше во осминафиналето

од nenad
2 минути читај за

Грузијците ја победија Португалија со 2:0 и завршија на третото место во групата Е со 4 бода, но продолжуваат како еден од најдобрите тимови кои завршиле на трето место.

   

Головите на Хвича Кварацелија и Георгес Микутадзе од пенал им донесоа успех на Грузијците.Грузија во осминафиналето ќе игра против Шпанија. Натпреварот е во Келн на 30 јуни.Португалија остана на првото место во групата во конечниот поредок и ќе игра со Словенија.

Турција, пак, се пласираше во осминафиналето на Европското фудбалско првенство и покрај тоа што мораше многу да страда за победата од 2:1 против Чешка. Тимот на Винченцо Монтела имаше среќа да одигра повеќе од 70 минути со играч повеќе, откако чешкиот играч за врска Антонин Барак беше исклучен поради втор жолт картон во 20. минута.

Во 51. минута, Хакан Чалханоглу им донесе водство на Турците, но во 66. израмни Томаш Соучек. До крајот Чесите притискаа и со човек помалку, а во 82. минута беше поништен гол на Јан Кухта. На крајот, резервистот Ченк Тосун и донесе успех на својот тим со гол во 94. минута.Португалија и Турција собраа 6 бода, но Португалците се на чело на групата поради победата во директниот натпревар. Грузија е трета со 4 бода и се пласираше во осминафиналето, а Чешка е елиминирана од конкуренцијата со 1 бод.

Словачка и Романија ремизираа 1:1 во последниот дуел од групата Е на Евро 2024, а со тој резултат и двете репрезентации се квалификуваа во осминафиналето.Куриозитет во овој случај е што сите четири селекции во групата завршија со по 4 бода, но голем губитник на крајот е Украина поради најлошата гол-разлика.Во другиот натпревар од групата, Белгија и Украина одиграа без голови.МИА

ДОБРО УТРО е дневен информативен портал. Информациите се од секојдневни !

Дизајн GLOBAL NET. Хостирано од MAX HOSTING