Почетна Балкан Роналдо му ја честита титулата на Спортинг – Курир

Роналдо му ја честита титулата на Спортинг – Курир

од nenad
2 минути читај за
Роналдо му ја честита титулата на Спортинг

Facebook / Cristiano Ronaldo


Илјадници навивачи на Спортинг се собраа во главниот град Лисабон и до раните утрински часови денеска го славеа успехот на својот клуб кој по 20 пат во историјата стана фудбалски шампион на Португалија.

Спортинг ја освои титулата откако Бенфика загуби со 2-0 на гостински терен од Фамаликао, со што тимот предводен од Рубен Аморим стекна осум бодови предност на врвот на табелата на два натпревари до крајот на сезоната.

Набргу по поразот од Бенфика, илјадници навивачи се собраа на централниот плоштад во Лисабон, каде што играчите пристигнаа со автобус со отворен покрив и еден по еден се качуваа на големата бина поставена на плоштадот, додека навивачите вееја знамиња и шалови.

Капитенот на португалската репрезентација, Кристијано Роналдо, кој настапува за саудиски Ал Наср, се огласи на социјалните мрежи за да му честита на Спортинг, клубот во кој ја почна својата професионална кариера.

„Честитки шампиони!“ напиша Роналдо на Инстаграм.

Спортинг ја врати титулата три години по последниот трофеј во 2021 година, кога прв пат стана шампион по пауза од речиси две децении. Шампионската прослава во 2021 година се одржа за време на пандемијата на Ковид – 19 и беше во сенка на судири меѓу полицијата и навивачите.

Извор : Kurir.mk

Роналдо му ја честита титулата на Спортинг

ДОБРО УТРО е дневен информативен портал. Информациите се од секојдневни !

Дизајн GLOBAL NET. Хостирано од MAX HOSTING