Популарниот тенисер Новак Ѓоковиќ вчера го прослави 7-от роденден на својата ќерка Тара. Семејството Ѓоковиќ се собра по овој повод и на скромен, но убав начин го одбележа овој голем ден за нив.
Тара на својот седми роденден тргна во прво одделение, па тоа беше дополнителна причина за славење. Стефан, нејзиниот постар брат, е запишан во приватно училиште во Србија, кое се карактеризира со специфичен пристап кон наставата и работата со децата.
Јелена внимателно го избра училиштето за Стефан, а истото го направи и сега кога е во прашање изборот на училиште за помалата ќерка.
Како што пренесува српски „Курир“, Ноле и Јелена на Тара и нејзините пријатели им организирале средба со животни, биле опкружени со природа, интересни украси и балони во различни бои.
Поврзани објави
Прославата што ја организираа беше за најтесниот круг на луѓе, што можеше да се очекува со оглед на тоа што Јелена и Новак се познати по својата скромност и што интимните моменти ги поминуваат исклучиво во семејна средина.
Фото: Инстаграм
