Универзитетот Скопје секогаш дава директна поддршка за најранливите категории деца!
Децата од згрижувачки семејства во Скопје добија 120 училишни ранци и комплет училиштен прибор, донација од ректорот на Универзитет Скопје, проф. д-р Аце Миленковски, со директна поддршка на заменик-министерот за труд, демографија и млади, Ѓоко Велковски и градоначалникот на Општина Гази Баба, Бобан Стефковски.
Настанот се одржа на плоштадот во Општина Гази Баба, организиран во чест на почетокот на новата учебна година.
Ректорот на Универзитет Скопје, проф. д-р Аце Миленковски на дечињата им порача да учат, бидејќи образованието ќе ги направи посилни.
Поврзани објави
Образованието е најважната работа. Да сте образовани, значи да сте силни. Слушајте ги родителите, наставниците, учете и дружете се”, изјави ректорот Миленковски.
Заменик-министерот за труд, демографија и млади, Ѓоко Велковски и градоначалникот на Општина Гази Баба, Бобан Стефковски му се заблагодарија на Универзитетот Скопје за подршката и општествената одговорност.
Текст и фото: ПР
