Оваа двојка ги руши сите предрасуди и иако многумина веруваат дека секој маж сака барбика покрај себе, тие се доказ дека тоа не е точно
Јоана Пинсерато е 26-годишна моделка со вишок килограми од Шведска кој и денес ужива во својата популарност, па не би требало да се изненадиме ако еден ден ја симне Ешли Греам од престолот.
Таа обожава мода, шминка, трендови од светот на убавината, но пред сè, го сака и го прифаќа своето тело и неговата величина. Сепак, нејзината телесна позитивност паѓа во втор план секогаш кога ќе го покаже својот партнер.
Нејзиното момче има извајани мускули, што на повеќето следбеници на Јоана не само што им е необично туку им е и сомнително.
@joannapinceratowell♬ Donnya sound – cgubitch
Поврзани објави
Фактот дека оваа двојка боде очи го потврдуваат и коментарите како оној дека тој е со неа само затоа што веројатно има фетиш на „дебели жени“ и дека тој ја сака само поради нејзиното тело. Некои ѝ сугерираат дека не е возможно да има таков партнер, бидејќи тој е премногу згоден за да сака некоја како неа. Па ѝ пишуваат дека сигурно ја изневерува, дека тој ја искористува поради нејзината слава и дека е со неа заради пари…
Дури и на нивните видеа од вежбалница се нижат коментари од типот:
„Братот видел потенцијал и вложува навреме“, алудирајќи на тоа дека Јоана е убава, само треба да ослабе за да биде совршена.
@joannapinceratothis was fun
Повеќето луѓе веруваат дека мажите очекуваат од нивните партнерки да имаат рамни стомаци, но и големи гради, за да изгледаат како барбики. Тоа би значело дека жените мораат да изгледаат како модели на Victoria’s Secret за да бидат вредни за љубов и внимание.
Но според тоа што можеме да го видиме на нејзиниот инстаграм-профил, Јоана не им обрнува внимание на таквите коментари, туку ја користи сета своја енергија за да им се посвети на врската, работата, патувањата со момчето и пријателките.
