Ви го откриваме најдобриот рецепт за кремлив колач
Состојки:
За една кора (се печат две):
- 4 белки
- 4 лажици шеќер
- 4 лажици мелени ореви
- 4 лажици мелени бисквити
- 5 г прашок за печиво
За филот:
- 8 жолчки
- 5 лажици шеќер
- 5 полни лажици брашно
- 700 мл млеко
- 250 г маргарин или путер
- 150 г шеќер во прав
- 80 г млечно чоколадо
- 80 г бело чоколадо
- 100 г здробени бисквити
Приготвување:
Вклучете ја рерната да се загрее на 180 степени.
Матете ги белките со шеќер додека добиете цврста пена, па додајте бисквити, ореви и прашок за печиво. Соединете го сето тоа со лажица, па префрлете ја смесата во обложен плех со димензии 35 х 25 см и печете 12-13 минути.
Поврзани објави
Повторете ја постапката уште еднаш, па оставете ги корите да се оладат.
За филот, измешајте жолчки, шеќер и брашно со 200 мл млеко, а преостанатите 500 мл, ставете ги да зовријат. Кога млекото ќе зоврие, додајте ги жолчките и мешајте додека се згусне. Тргнете го филот од рингла, покријте го со фолија и оставете го да се олади.
Пенесто изматете маргарин со шеќер во прав. Изматете го оладениот фил од жолчки. Во филот од жолчки постепено додавајте маргарин и шеќер, со непрекинато матење.
Исечкајте ги двата вида чоколадо, па ставете ги во филот, додајте и здробени бисквити и сето тоа измешајте го.
На првата кора нанесете половина од филот, поклопете со другата кора, па нанесете го остатокот.
Декорацијата е по избор, а најпрактично и најлесно е да украсите со шлаг-крем од чоколадо.
Ставете го десертот да се олади, па послужете. Добар апетит!
ФОТО: Pika Žvan / Unsplash
