Новинарката Џамила Стјуарт го пронашла идеалниот парфем за есен
Со доаѓањето на есента и постуденото време, дамите обично се одлучуваат за малку поинтензивни и попостојани мирис. А се чини дека новинарката од порталот Who Wears That, Џамила Стјуарт, го пронашла совршениот! Имено, кога го ставила на себе Byredo Vanille Antique, луѓето буквално ја застанувале на улица и воодушевено ја прашувале кој парфем го носи.
Станува збор за мешавина на фрезија, слива, килибар, кашмир, зрна ванила од Мадагаскар и масло од цистус. Како што открила, асоцира на течно злато, а парфемот буквално се впива во кожата.
Какви се, всушност, килибарните парфеми?
Поврзани објави
Килибарните парфеми се мирисни композиции кои содржат топли, богати и слатки ноти, честопати ги носат епитетите сензуални и заводливи. Килибарот традиционално не се користи директно во парфемите, туку неговиот мирис се рекреира преку комбинација на различни ноти.
Во класичните килибарни парфеми, основни компоненти се мешавина на ванила, бензоин, ладбанум и други балсамични ноти. Овие состојки заедно создаваат карактеристична топла, богата и слаткаста мирисна основа.
Килибарните парфеми често се класифицираат во ориентални или балсамични мирисни категории, бидејќи се инспирирани од мирисите од Блискиот Исток.
Парфемите со килибарни ноти обично се користат во постудените месеци поради својата топла и постојана природа. Овие парфеми често имаат долготрајни, богати бази што ги прави популарни за вечерни пригоди или посебни настани.
ФОТО: Andres Molina / Unsplash, Пинтрест
