Сите бевме сведоци дека припадниците на правната фела (адвокати, нотари, извршители, вклучително и судовите) во изминатава една година откако беше донесен законот, реагираа секој на одреден начин. Ваквата реакција е поради тоа што токму припадниците на правната фела во секојдневното работење се судруваат со примената, поточно со неможноста од примена на ова законско решение, кое е донесено на брзина, кампањски, без консултации и јавна дебата и без учество на правната наука и на практичарите. Поради тоа, донесениот закон не е усогласен со други одредби од Законот за облигациони односи, но и со одредби од други закони, особено со одредби од Законот за извршување, вели во интервју за emagazin.mk Љупчо Кузмановски адвокат од Скопје, кој поднесе иницијатива за оценување на Уставноста на членот 2 од Законот за измени и дополнувања на ЗОО, по што Уставниот суд поведе постапка и донесе времена мерка.
Сето тоа создава колизија меѓу правните норми кои за исти случаи предвидуваат различни правни последици, што остава голема можност за појава на правен релативизам и правна несигурност. Со истите проблеми се судрувам и јас како адвокат, што беше и личен мотив за поднесување на оваа иницијатива.
Повеќе на следниот линк
