Порталот Celebrity networth објави листа на најбогати луѓе во светот на забавата, а меѓу нив има многу личности од Балканот. Први на листата се Дино Мерлин и Драгана Мирковиќ. Оваа веб-страница пренесува дека имотот на босанскиот музичар и фолкерката се проценува на по 100 милиони долари.
По нив е Светлана Цеца Ражнатовиќ чија заработка е околу 80 милиони долари.
Јелена Карлеуша е трета на листата со двојно помала заработка од Цеца. Така, „Celebrity net worth“ проценува дека Карлеуша во својата кариера заработила 40 милиони.
Следува Лепа Брена со 25 милиони, а петтото место го делат Здравко Чолиќ и Горан Бреговиќ.
Северина и Неда Украден заработиле околу пет милиони од пеење, проценува споменатиот портал, додека на другите ѕвезди како Наташа Беквалац и Нина Бадриќ го проценуваат имотот под три милиони.
Во делот за информации за локацијата, CNW наведува дека користат проверени информации собрани од повеќе извори.
Новак Ѓоковиќ – 220 милиони
Иако не е дел од шоубизнисот, најбогатиот познат Србин е најуспешниот српски тенисер Новак Ѓоковиќ, кој има нето вредност од 220 милиони долари. Ѓоковиќ се наметна како еден од најдобрите тенисери на сите времиња по кариера исполнета со импресивни победи.
