Почетна Свет Кандидат за локални избори на АфД нападнат со нож во Манхајм

Кандидат за локални избори на АфД нападнат со нож во Манхајм

од nenad
1 минути читај за

Повторно напад со нож во Манхајм, овој пат погоден е кандидат на АфД за локални избори. Напаѓачот е уапсен. Кандидат на АфД за локалните избори во вторникот вечерта е напднат со нож во Манхајм, при што е повреден, а напаѓачот е уапсен, како што јави новинската агенција ДПА.

Настанатот се случил во доцните вечерни чаови, потврди полицијата во Манхајм. Според наводи од регионалниот огранок на АфД, инцидентот се случил во близината на пазарот во квартот Рајнау. Кандидатот на АфД фатил на дело лица кои кинеле плакати, а кога се обратил кон едно од нив барајќи образложение, бил нападнат со нож и повреден. Според информации од АфД, во инцидентот биле вклучени три лица, а двајца успеале да побегнат.

Политичарот на АфД се наоѓа во болница, но добил само сеченици. АфД тврди дека нападот го извеле левичарски екстремисти, но наводите не можат да бидат официјално потврдени.

Во изминатите недели во Германија внимание предизвикаа  бројни напади врз политичари  од различни политички партии. Меѓу другите, во Дрезден беше претепан изборен кандидат на владејачката партија СПД, Матијас Еке.


Post Views:
46

Извор : vesnik-ilinden.com

Кандидат за локални избори на АфД нападнат со нож во Манхајм

ДОБРО УТРО е дневен информативен портал. Информациите се од секојдневни !

Дизајн GLOBAL NET. Хостирано од MAX HOSTING