Јелена Карлеуша по 16 години потпиша спогодбен развод со Душко Тошиќ.
Јелена Карлеуша и Душко Тошиќ му ставија точка на својот 16-годишен брак. По тој повод, прва се огласи популарната пејачка, која објави фотографија од потпишувањето на бракоразводните документи, објаснувајќи:
По 16 години потпишав спогодбен развод. Сама. Наспроти мене на сликата се мојот адвокат Милан Атељевиќ и овластениот адвокат на мојот поранешен сопруг, кој не дојде. Не прашав зошто. Поради разни медиумски и социјални шпекулации, ќе додадам дека целиот заеднички имот (стекнат во брак) е препишан кон нашите деца, Атина и Ника. Јас сум старател на нашите деца. „Другата страна“ немаше поинаков предлог. Иако некои многу мудри луѓе велат дека за доброто на децата бившите сопружници треба да бидат во коректни односи, јас веќе не сакам никаква врска или контакт со претходниот период од животот, освен ако не се работи за живот и смрт. Во тој случај веројатно и би загинала. Па, секој може да има деца, тоа е лесно, секој може да се ожени, но не може секој да биде сопруг. Мажот е тој што стои до сопругата како што се вели на потпишувањето на брачниот договор – во добро и во лошо… и за жал или за среќа, животот ме „награди“ со сила да ги поминам сите проблеми, подеми и падови, низ морето на злото, солзите и лошите луѓе сиве изминати години… сама. Знам. Тешко е да застанеш до мене, тешко е да чекориш покрај мене и уште потешко е да застанеш пред мене. Претпоставувам затоа што сум толку страшна. Често велат дека сум ЛУДА, веројатно се во право. Затоа до мене отсега може да стои само ЛУД. Како мене. Не прифаќам ништо помалку. Да ме сака ЛУДО, како што сакам и јас, дури и кога целиот свет ме мрази. Немам што да додадам повеќе, другар судија. Одиме понатаму“, порача поп-пејачката на Инстаграм.
Поврзани објави
И дописот на Душко Тошиќ исто така ви го пренесуваме во целост, кој бившиот фудбалер го објави на својот инстаграм-профил.
Почитувани медиуми и пријатели, по 16 години брак се разведов спогодбено со мајката на моите деца Јелена. Спогодбата е составена заемно и на задоволство на сите, а најмногу се однесуваше на иднината на нашите деца, што нам ни е најважно.
Се договоривме целиот наш заеднички недвижен имот да им припадне на нашите ќерки Ники и Атина. Исто така, секоја моја обврска како татко и машка фигура се подразбира. За мене најважна ставка беше да можам да поминувам време со нашите деца кога ќе посакам и кога и да имам можност.
Што се однесува до односот помеѓу мене и Јелена, нормално е кога ќе се случи развод да има гнев и искри, но се надевам дека и тоа еден ден ќе престане. Мислам дека Јелена е добра мајка и добар пријател и би сакал да останеме пријатели и да имаме добар однос заради нашите деца.
На Јелена ѝ посакувам сè најдобро и секогаш ќе бидам тука за мајката на моите деца како и за моите деца.
Сите грди работи треба да се останат зад нас и само нашите деца да бидат центарот на нашиот свет како што се. Голем поздрав, Душко,“ пишува во соопштението што го објави Душко Тошиќ на Инстаграм.
Фото: Printscreen / Instagram /duskotosic
