Младата селекција на Македонија до 18 години загуби со 5:0 од соодветната репрезентација на Унгарија во контролен натпревар одигран помеѓу овие две репрезентации во Телки.
Мондовиќ ја донесе Унгарија во предност од 1:0. Четири минути подоцна Егри ја зголеми предноста на 2:0. Во продолжението и Баркочи се запиша во листата на стрелци за 3:0. Мондовиќ со својот втор погодок на денешната средба ја доведе Унгарија во предност од 4:0. Конечните 5:0 ги постави Канчисј. Македонија се закани неколкупати опасно по голот на противникот, но без реализација. Шаботиќ и Радески ги имаа најдобрите прилики за нашата репрезентација на денешната средба.
Македонија: Давид Илоски, Златко Радески, Лука Атанасовски, Емир Шаботиќ, Игор Ристов, Каменчо Андоновски, Хисар Али, Стефан Младеновски, Адмир Љатифи, Давид Стојановски;
Селектор: Ерхан Селими;