Сопственичката на бројни хитови, Маја Оџаклиевска, сама ги одгледала ќерките Теа и Андреа, а како што инсистирала во неколку наврати, се трудела да одржи коректен однос со поранешните партнери.
Не се омажив за таткото на Теа, Александар, затоа што тоа не ме интересираше. Не ме интересираше да готвам ручек и да водам таков живот. Но, се омажив за таткото на Андреа, Енес, на негово инсистирање. Се венчавме, но тоа не траеше долго. Тие се важни за моите деца, па затоа одржував врска со нив. Со таткото на Теа се дружевме до минатата година, додека не почина. А со таткото на Андреа, кој има жена и две ќерки, секогаш одиме на ручек кога доаѓаме во Белград. Не раскинав со никого на лош начин – изјави своевремено пејачката, која не крие дека како самохрана мајка се соочила со бројни тешкотии.
Поврзани објави
Имаше страшни моменти кога ги воспитував моите ќерки. Се случи да јадеме бисквити со вода бидејќи немавме пари за млеко. Беше тешко до тој степен. Не можев да работам, а сè уште не сакав да правам компромиси и да пеам нешто што не можам да го правам, ако желудникот не сака. Додуша еднаш пробав. Преку менаџер од Радио Белград прифатив тезга во Германија за да заработам за децата. Работевме петок, сабота и недела. По тие три дена си реков: „Никогаш повеќе“ – се присети Маја, во интервјуто за српски Информер.
Фото: Инстаграм Принтскрин @andrea_odzaklievska https://www.instagram.com/p/BOCqg4zhFAh/
