Почетна Економија Во Брисел денеска се одржува Прв дијалог на високо ниво меѓу Турција и ЕУ, посветен на трговија

Во Брисел денеска се одржува Прв дијалог на високо ниво меѓу Турција и ЕУ, посветен на трговија

од nenad
1 минути читај за

Првиот дијалог на високо ниво меѓу Турција и ЕУ за трговски прашања ќе се одржи денеска во Брисел.

Со него ќе копретседаваат министерот за трговија Јомер Болат и потпретседателот на Европската комисија Валдис Домбровскис, јави Анадолија.

Болат и Домбровскис претпладне ќе се сретнат на тркалезна маса со претставници на ЕУ и турската бизнис заедница, а попладне ќе се одржат меѓувладини средби.

За напредокот на билатералните и трговските прашања за соработка, вклучително и зелената и дигиталната агенда, ќе се разговара во рамките воспоставени на состанокот на работната група за трговија, одржан во октомври 2023 година.

Предвидени се и разговори за продлабочување на трговско-економската соработка меѓу Турција и ЕУ.

Трговскиот дијалог на високо ниво меѓу Турција и ЕУ беше меѓу препораките во заедничката декларација за актуелната состојба на политичките, трговските и економските односи меѓу Турција и ЕУ во ноември 2023 година, и беше одлучено првиот состанок во рамките на овој механизам да се одржи на 8 јули 2024 година.

ссм/фото: архива .

Извор: МИА

ДОБРО УТРО е дневен информативен портал. Информациите се од секојдневни !

Дизајн GLOBAL NET. Хостирано од MAX HOSTING