Почетна Македонија Возило на Шеваљ Муареми било незаконски регистрирано, МВР расветлува нов криминал

Возило на Шеваљ Муареми било незаконски регистрирано, МВР расветлува нов криминал

од nenad
2 минути читај за

Дисциплинска одговорност за службено лице кое извршило регистрација на моторно возило без присуство на сопственикот и три лица кои не ги констатирале пропустите во станицата за технички преглед, утврдила внатрешната контрола на МВР, пренесува „НетПрес“.Според информациите, одделот за внатрешна контрола, криминалистички истраги и професионални стандарди, доставил известување до јавното обвинителство и изготвил предлог за утврдување дисциплинска одговорност против лицето Р.И. на работно место референт во станица за технички преглед, дополнува изворот.

   

„Одделот за внатрешна контрола, криминалистички истраги и професионални стандарди при МВР, постапувал по известување доставено од страна на Одделот за криминалистичка полиција, според кое постапувале по наредба на Основен кривичен суд за одземање на моторно возило сопственост на лицето Ф.Ќ. од село Грчец. При проверките од нивна страна било констатирано дека возилото е регистрирано во отсуство на сопственикот, односно со временски период, во кој според проверките, лицето Ф.Ќ. било надвор од границите на државата. Согласно проверките направени од страна на надлежните служби констатирано било дека од страна на службено лице Р.И. – референт на Станица за технички преглед лоцирана во Сарај – Глумово, била извршена регистрација и промена на регистарските таблички на моторното возилото, во отсуство на сопственикот, со што Р.И. извршил потешко кршење на работниот ред и дисциплина и постапил спротивно на Законот за возила и Правилникот за регистрација на моторни возила“ се вели во информацијата.

Дополнително, од стрaна на Одделот за внатрешна контрола, криминалистички истраги и професионални стандарди, доставен е предлог за утврдување дисциплинска одговорност против три лица Г.П. началник на сектор, В.Н. главен инспектор и Л.М.Б. главен инспектор за сообраќај, кои при вршење на контрола во станицата за технички преглед, не постапиле според нивниот попис и опис на работни места и не ги констатирале пропустите на станицата за технички преглед, пренесува медиумот.Сомневањата на полицијата, велат оттаму, се дека вистински сопственик на ова скапо и луксузно возило е лицето Шеваљ Муареми, кој моментно е во бегство и по кого македонската полиција има рапсишано меѓународна потерница

ДОБРО УТРО е дневен информативен портал. Информациите се од секојдневни !

Дизајн GLOBAL NET. Хостирано од MAX HOSTING