Успешен старт на новата учебна година денеска имаше во сите основни и средни училишта во Кавадарци за 4490 ученици, од кои 307 се првачиња.
Градоначалникот Митко Јанчев заедно со вршител на должности од амбасадата на Народна Република Кина во Македонија, Ксу Леи, беа во посета на О.О.У ,,Димката Ангелов Габерот’’ Кавадарци. Им честитаа и посакаа успех на првачињата во нивното ново поглавје од животот, а на сите ученици и вработени во образовниот систем им посакаа среќа и успех во новата учебна година.
Беа претставени новите смарт табли кои се донација од кинеската амбасада, а по една ќе добие секое основно општинско училиште. Донацијата е во вредност од 400.000 денари. Овие „паметни“ табли кои ќе помогнат во реализацијата на наставните содржини имаат целосен софтвер и проектор.
