– Белгија го пропушти рокот на 31 август за објавување на номинациите за следниот еврокомесар, објавија локалните медиуми.
Претставниците на партиите од мнозинството што произлезе по јунските избори се сретнаа во саботата, но потоа не кажаа дали е донесена одлука.
Меѓу најверојатните можности, медиумите во Брисел го посочуваат повторното номинирање на поранешниот белгиски еврокомесар Дидие Рејндерс и вршителот на должноста министер за надворешни работи Хаџа Лабиб.
Така, Белгија би го исполнила барањето на претседателката на Европската комисија, Урсула фон дер Лајен, да бидат номинирани маж и жена.
Медиумите забележаа дека тешкотијата на изборите во Белгија е поврзана со тековните преговори за формирање на следната сојузна влада.
Претходно оваа година, Рејндерс ја загуби трката за генерален секретар на Советот на Европа. Тој прецизираше дека е подготвен да остане во ЕК каде што досега беше одговорен за правосудството. зш/ .
Извор: МИА
