Раководството на Фолксваген соопшти дека подготвува голема програма за штедење која предвидува и откажување на долгогодишниот договор со работниците во Германија со кој се исклучуваа отпуштања до крајот на 2029 година. Договорот е во сила од 1994 година.
Раководството на германскиот производител на автомобили Фолксваген се одлучи за голема програма за штедење до 2026 година и сака да ја укине гаранцијата за вработување на околу 110.000 работници за да се справи со готовинскиот дефицит од 5 милијарди евра. Раководството на Фолксваген соопшти дека ќе го откаже долгогодишниот договор со работниците во Германија со кој се исклучуваа отпуштања до крајот на 2029 година. Договорот е во сила од 1994 година.
На кризниот самит на највисоките менаџери бордот на Фолксваген денеска ја информираше јавноста за своите планови за реструктуирање и повеќе не исклучува затворање на фабриките, пренесува Билд. – Економското опкружување повторно се влоши, нови добавувачи доаѓаат во Европа. Покрај тоа, Германија особено заостанува во однос на конкурентноста. Ние како компанија сега мораме да дејствуваме доследно во оваа средина – рече извршниот директор на Фолксваген, Оливер Блуме.
